Нов протест за Алмир - Пролет без правда
Објавено во: Македонија 19 Март, 2018
Група на граѓани најави дека повторно ќе протестира барајќи правда за случајот на прегазувањето на малиот Алмир од Куманово.
Во среда во 13 часот, пред Владата на Република Македонија, ќе се одржи протест против преквалификацијата на делото во кое настрада 4-годишниот Алмир Алиу, а обвинетиот одговараше за тешки дела во сообраќајот наместо за убиство со предумисла како што бараше претходно адвокатот на семејството.
Обвинетиот Бобан Илиќ, по преквалификацијата на обвинението, беше ослободен од притвор. Со одлука на Обвинителството, ова дело од убиство, се преквалификува во сообраќајна несреќа со смртни последици.
По измената на обвинението, обвинетиот недолично се однесуваше кон семејството на починатото дете и ги испровоцира со покажување на среден прст.