Добивај вести на Viber
Рецесијата во Грција во наредната година ќе биде полоша од она што претходно се очекуваше, се наведува во нацрт буџетот, кој во средата му беше претставен на грчкиот парламент.
Грција, која е притисната со долгови, ќе забележи и поголем буџетски дефицит од она што се прогнозираше пред еден месец. Економските активности на државата во наредната година се очекува да се намалат за 4,5 отсто, додека претходно се прогнозираше пад од 3,8 отсто.
Владата следната година планира да заштеди речиси 9,4 милјарди евра, а тоа ќе значи дополнително намалување на платите, пензиите и бенефициите.
Вкупните владини расходи ќе бидат намалени за 33,9 отсто.Носењето на новиот предлог-буџетот е прв тест на новата коалициска влада во парламентот која треба да го одобри нацрт-законот за долго одложуваната програма за приватизација.
Грција следната година, според нацрт-буџетот од продажба на државниот имот треба да заработи 2,5 милијарди евра.