Нов случај со масовно труење на бездомни кучиња во земјава, граѓаните револтирани
Објавено во: Македонија 29 Јануари, 2023
По двата случаи во Струга, од кои едниот со пушка, другиот со отрови, во кои беа усмртени голем број бездомни кучиња, нов случај со масовно труење на бездомници, овој пат во Гостивар.
Како што јавува Гостиварпрес, низ градот на неколку места биле забележани кучиња скитници кои беспомошно лежеле на улиците.
- Вчеравечер во Гостивар на неколку локации забележани се повеќе затруени кучиња скитници. Граѓани кажуваат дека се ужаснале од глетката – животните беспомошно во агонија лежеле на улица. Голем број гстиварци го осудуваат труењето на кучињата, бараат да се утврди одговорност и реагираат дека надлежните треба да го решаваат проблемот со бездомните животни на хуман начин, според законите - пишува „Гостиварпрес“.
Ваквите случувања ги разгневија и граѓаните, кои бараат похуман начин за справување со глутниците кучиња, а не нивно усмртување преку труење или убивање со пушки.
Фото: Принтскрин/Фејсбук