Нов тендер за скопскиот трамвај, ќе се најде ли концесионер?

Добивај вести на Viber

Градот Скопје во нов обид за изградба на трамвајски систем во главниот град. На последниот ден од ланската година на Бирото за јавни набавки е објавен огласот за Јавно приватно партнерство за проектирање, изградба, финансирање, стопанисување и трансфер на лесен шински систем за превоз на патници во Скопје. На 8-ми мај за кога е закажано отворањето на понудите ќе биде познато дали ќе се најде поволен концесионер за скопскиот трамвај. Нема промени во тендерските услови, освен во насловот на огласот во кој зборовите  трамвајски систем се заменија со зборовите лесен шински систем. Потенцијалниот концесионер е должен да ги изврши следните работи : -Проектирање на инфраструктура за лесен шински систем за линија број 1 (еден) - Изработка на оценка на влијание врз животната средина/елаборат за заштита на животната средина - Изградба на линија 1(еден) со должина на траса од 12.1 км (24.2 км во два правци)Изградба на станици, депо и друга потребна инфраструктура; - Набавка на најмалку 22 (дваесет и две) трамвајски возила; и - Стопанисување, вклучително и одржување на линија 1 (еден) за целото времетраење на Договорот за јавно приватно партнерство. Оправданоста од доделување на договорот за Јавно приватно партнерство кое ќе се воспостави како концесија за јавна работа, произлегува од потребата за воведување на нов концепт на организирање на јавниот превоз на патници на подрачјето на град Скопје, кој значително ќе ги подобри квалитетот, брзината, ефикасноста, безбедноста  и одржливоста на постоечкиот јавен превоз на патници во градот Скопје. Со воведување на лесниот шински систем  се очекува зголемување на бројот на граѓаните кои би го користеле јавниот градски превоз. Договорот за воспоставување на ЈПП ќе се реализира според моделот: проектирање-финансирање-изградба-стопанисување-трансфер, стои во образложението од Градот Скопје. Вредноста за целиот период на договорот изнесува 243 милиони евра. Според условите во огласот, концесионерот ќе стопанисува со трамвајот најмногу 35 години.  Со по 50% во инвестицијата ќе учествуваат Владата и Град Скопје. Во годинешниот буџет на Град Скопје, предвидени 83.000 евра. Пари за трамвајскиот систем се планирами и во Програмата за развој, па така за следната 2015-та година сумата е поголема од годинешнта поточно околу 2,8 милиони евра, а во 2016-та година за трамвајот ќе се издвојат најмногу пари, околу 13,2 милиони ерва. Дел од условите што треба да ги исполнува понудувачот за да може да победи на огласот е да има реализирано најмалку 20  милиони евра добивка пред оданочување за последните 3 години, да има приходи (вклучително финансиски приливи) од најмалку 200 милиони евра кумулативно во последните  3 години, да има искуство во изградба на пруги,станици и депо, искуство во изградба на систем за напојување и инфраструктура, стопанисување со лесен шински или трамвајски систем и стручен кадар. Трамвајот желба на секој градоначалник Трамвајот беше еден од клучните адути градоначалникот на Град скопје Коце Трајановски на ланските локални избори. Ама не само на Трајановски, желба за трамвај имаше и неговиот претходник Трифун Костовски. Но градските власти не се откажуваат. Последниот оглас пропадна бидејќи единствената фирма што тогаш се пријави “Норвешкиот Конзорциум ПЈ Скурдал и Метнит групација”,  не ги исполнувала условите. Потоа Градот реши прво да најде консултантска куќа за изработка на проектот, па потоа да распишат меѓународен тендер.   Укнгарската компанија “Vialto Consulting” е консултанстската куќа, со која Градот потпиша договор во вредност од 95.000 евра, за реализација на постпката за доделување на договор за јавнот приватно партнерство за лесен шински систем. Според договорот унгарскиот консултант треба да најде соодветен концесионер за скопскиот трамвај.  Ј.С