Нов удар за Хрватите, трикратно им се намалува дозволениот минус на сметка
Објавено во: Балкан 20 Февруари, 2013
76 проценти од домаќинствата Во Хрватска имаат помали приходи од потребните, односно едно просечно хрватско домаќинство располага месечно со 6.300 куни, додека за задоволување на основните трошоци потребни се околу 9 илјади куни (1.180 еврa), пренесоа хрватските медиуми потпирајќи се на официјалните статистички податоци.
Притоа најголеми приходи имаат вработените во Загреб 7.043 куни, а најниски во Славонија 5.280 куни.
Според министерот за финансии Славко Линиќ кој најави намалување на минусот на една, наместо на досегашните три плати, мерката ја објаснува со можноста граѓаните долгот да можат да го враќаат со земање кредит со три отсто помала камата, отколку каматите на минусот кои се ограничени со закон на 12 проценти.
Статистиките покажуваат дека секој втор Хрват е во минус, а дозволените пречекорувања на тековните сметки кон крајот на 2012 година достигнале до 7,3 милијарди куни.