НОВА ДРАМА ВО ПАРИЗ: Вооружен маж со бомба и калашников држи заложници во пошта

Добивај вести на Viber

Вооружен маж денес околу пладне зеде како заложници неколку лица во пошта во Коломб во близина на Париз, соопштуваат полициските органи, а за сега нема назнака дали овој инцидент е поврзан со минатонеделните исламистички напади, пренесуваат француските медиуми. Заложничката криза почнала пред дванаесет часа, откако мажот со бомба и калашников се затворил во просториите на поштата, како што соопштува полициските органи, кои за сега не може да прецизираат колку лица се наоѓаат во рацете на киднаперот. Некои од полициските извори наведуваат дека најмалку едно вооружено лице држи како заложници од две до пет лица, пренесува Фигаро. Областа ја надгледува еден хеликоптер на безбедносните служби. Како што може да се види од фотографиите  поставени на „Твитер“ на лице место се наоѓаат голем број полициски службеници, како и претставници на обвинителството. Агенцијата „Тасс“ наведува, повикувајќи се на француската телевизија „BFM“, дека не станува збор за терористички напад. Истовремено, останатите медиумите наведуваат дека напаѓачот е вооружен со малокалибарско оружје и дека со себе држи осум заложници, пренесува „Тасс“.