Нова експлозија во дел од гасоводот во источна Турција

Добивај вести на Viber

Експлозија избувнала во ноќта во распон од гасоводот Баку - Тбилиси - Карс - Ерзурум, лоциран во турскиот округ Карс, во близина на градот Сарикамиш, соопшти агенцијата „Анадолија“.

Текот на гас по гасоводот е запрен. Причините за експлозијата се испитуваат.

Турскиот министер за енергетика и природни ресурси Танер Јилдиз ја утврдил експлозијата како терористички акт и ги обвини „членовите на сепаратистичката терористичка група“ Курдистанска работничка партија (ПКК).

Министерот посочил дека последните недели ПКК извршила напади врз електричната мрежа во реонот на Силопи, гасоводот Иран - Турција,  Киркук - Јмурталак, електрична трафостаница во Мардин и електричната мрежа во Чукурка.

Јилдиз истакнал дека групата се стреми да го попречува обезбедувањето на основните потреби на граѓаните во областа. Тој не ја исклучи можноста за испади во области на земјата поради терористички акции.

Агенцијата „ТАСС“ потсетува дека на 29 јули терористите разнесле дел од нафтоводот Киркук - Јмурталак на кој во Турција се поднесува нафта од автономниот регион на Ирачки Курдистан. Според некои податоци загубите на ирачката курдска администрација од прекинот на транзитот на нафта, се проценуваат на 200 милиони долари.

Ноќта на 28 јули терористите го разнеле гасоводот во источна Турција во округот Агри и преносот на гас беше прекинат, потсетуваат агенциите.

Вчера турските власти успеале да спречат експлозија во дел од гасоводот во округот Агри (Источна Труција). Соопштено е дека во дел од гасоводот била пронајдена импровизирана експлозивна направа, овластена од бунтовници од „ПКК“.