НОВА РУНДА ПРЕГОВОРИ: Грчките медиуми навестуваат нов предлог?
Објавено во: Македонија 10 Декември, 2017
На преговорите за надминување на разликите во името утре и задутре во Брисел ќе присуствува преговарачот, Васко Наумовски заедно со дипломат од Министерството за надворешни работи. Истиот формат е договорен со медијаторот Метју Нимиц.
Според пишувањата на грчките медиуми можно е Нимиц на средбата во Брисел да излезе и со нов предлог за името.
Пред почетокот на oваа рунда преговори, Нимиц за Независната Балканска новинска агенција изрази надеж дека овојпат ке бидат надминати црвените линии поставени од Атина и Скопје.
Оптимист е и премиерот Зоран Заев. Според него, или двете страни ќе бидат подеднакво задоволни или подеднакво незадоволни.
„Таков е компромисот. Но, верувам дека како политичари, можеме да добиеме повеќе, ако имаме храброст да најдеме решение и да донесеме одлука, отколку да го одложуваме, како што беше случај во минатото“ - вели тој.
Последната формална рунда разговори на медијаторот со преставниците на двете држави беше одржана во Њујорк во ноември 2014 година.
Можеби ќе ве интересира
Им се расипал автомобилот на Осоговски планини, па барале помош
Ореовец ќе се радикализира од понеделник против минирањето на „Бехтел и Енка“
Уапсениот судија Наќе Георгиев се жали дека е наместен со понудениот поткуп
Весна Јаневска и актерот Љутков кандидати за министри во новата влада
Владиката Петар: Се виде дека барањата на Цариград не се канонски, туку политички
Мицкоски: Заклетвата на претседателката ги крена сите на нозе, а нашето чекање никој не го коментира
Непозната миризба ги затвори хируршките сали во „Мајка Тереза“
