Нова страница во односите меѓу САД и Куба
Објавено во: Свет 10 Април, 2015
САД и Куба отворија нова страница во билатералните односи по 60 години непријателство.
Првите дипломати на двете страни - Џон Кери и Бруно Родригез, се состанаа во четвртокот вечерта во Панама.
Таму денеска започнува форумот во Организацијата на американските држави, што е за прв пат од 1962 година a во него ќе учествува и Куба.
Разговорите се водат зад затворени врати меѓу Џон Кери и Бруно Родригез првиот директен контакт на толку високо ниво меѓу двете држави од почетокот на револуцијата во Куба во 1953 година. Курсот кон одмрзнување на односите беше прогласен од двајцата претседатели во декември минатата година.
Во тој дух е и веста од вчера дека САД се подготвуваат да ја извадат Куба од листата на земји кои го поддржуваат тероризмот.
Вистинската корист за Кубанците од новиот курс е тоа што од јули почнуваат директни авионски летови помеѓу Флорида и Хавана.