Нова Универзална сала во Скопје – ќе има 3000 седишта и паркинг

Добивај вести на Viber

Скопје ќе добие нова Универзална сала, наместо реконструкција на старата. Ова денеска го изјави министерката за култура, Елизабета Канчевска-Милевска. Таа потенцира дека новата сала ќе биде поголема и со сосема нов лик. -Сега Универзална сала има 1.500 седишта, а се планира и потребата беше да бидат од 2.500 до 3.000 седишта се со цел самиот објект да има мултифункционална димензија. Бројните анализи и испитувања од страна на Градежниот факултет укажаа дека стариот објект не е  погоден за реконструкција. Дополнително, реконструкцијата би подразбирала задржување на истиот капацитет од околу 1500 седишта, а не би се решил ни проблемот со паркинг просторот и администацијата на ЈУ "Универзална сала". Од тие причини е донесена одлука на истото место да се гради целосно нов објект, паркинг простор и простор за администрацијата на ЈУ "Универзална сала", истакна министерката. Според Канческа-Милевска за реконструкцијата на стариот објект  биле предвидени средства во висина од околу 11 милиони евра, додека за изградбата на новиот објект се проценува дека ќе бидат потребни 25 до 30 проценти повеќе средства