Новата корона мапа покажува дека делови од Балканот се во црвена зона

Добивај вести на Viber

Oбјавена е новата корона мапа која покажува дека добар дел од Европа е со лоша епидемиолошка состојба. 

Словенија со недели е темно црвената зона. Хрватска, Бугарија и делови од Грција се во темно  црвена боја. 

Балтичките земји и Ирска, Романија и Бугарија останаа темноцрвени, Германија и Полска беа главно во црвено со делови од темноцрвена боја, а епидемиолошката состојба сега е влошена во Австрија, Чешка и Словачка.

Шведска, која минатата недела беше целосно портокалова, сега е речиси целосно црвена и само нејзиниот централен дел остана портокалов.

Франција и Португалија се целосно портокалови, додека епидемиолошката состојба е најповолна во Италија која има и зелени делови.

Европскиот центар за контрола и превенција на болести (ЕЦДЦ) секој четврток објавува нова карта на состојбата со пандемијата во земјите на ЕУ.

Црвеното значи дека бројот на активни случаи во последните две недели е меѓу 75 и 200, а уделот на позитивни тестови за ковид-19 е четири проценти или повеќе, и дека вкупниот број на случаи во 14 дена е поголем од 200, но помалку од 500.

Темно црвени се оние делови од Европа кои имаат вкупно 500 или повеќе активни случаи за 14 дена. Бројките се следат во однос на 100.000 жители.