Нови 1600 вработувања во државната администрација

Добивај вести на Viber

1.600 лица од социјално загрозени семејства ќе бидат вработени во јавната администрација. Ова го објави денеска премиерот Никола Груевски, кој посочи дека ова е крупна социјална мерка која делумно ќе го намали проблемот со невработеноста во земјата. За овој проект може да аплицираат оние кои како невработени се пријавуваат повеќе од 10 години, потоа лица со многу деца, лица од самохрани и еднородителски семејства и оние граѓани каде во нивното семејство нема ниту еден вработен. Лично Премиерот информираше дека оние што ќе аплицираат за оваа мерка за вработување, треба да исполнат неколку критериуми меѓу кои: висината на приходите, бројот на деца во семејството, години на невработеност, самохрани родители и еднородителски семејства.Првите огласи за вработување ќе се објават во текот на мај, по што ќе следува нивно тестирање и избор, а пред да започнат со работа ќе минат низ процес на обуки и доквалификации. „Очекуваме оваа мерка на годишно ниво да изнесува околу 7-8 милиони евра во зависност од тоа колкав процент ќе бидат со средно, а колкав со високо образование така што и висината на платите ќе биде различна. Инаки постои начин оваа сума да се вклопи во буџетот за 2013 година“, рече Груевски.