Добивај вести на Viber
Ќе се реконструираат и доградуваат објектите кои се наоѓаат во близина на плоштадот ВМРО и плоштадот Мајка Тереза.
Овие измени во Програмата за реконструкција и доградба на објеки во Централното градско подрачје, ќе се најдат пред градските советниците на закажаната седница следната недела. Од Градот Скопје образложуваат дека е потребно да се направи реконструкција и доградба на овие објеки, поради нивната фактичка состојба. Заради нивната состојба има потреба од реконструкција и доградба на објектите. Објектите се со оштетени фасади, а кај некои од нив е потребна и санација на конструктивниот систем. Реконструкцијата на фасадите и реконструкцијата и доградбата на објектите се предвидува да се реализира на објектите на Плоштад ВМРО и Плоштад Мајка Тереза за кои има потреба.
Оваа програма предвидува финансиски импликации кои се обезбедени за таа намена во Буџетот на Град Скопје и средства од капитални трансфери од Министерство за култура, стои во образложението од Град Скопје.
Засега не е познато во кој архитектонски стил ќе се реконструираат фасадите, но со оглед на опкружувањето не е исклучена можноста да бидат во неокласичен стил.
Во Буџетот за Град Скопје за 2014 година за реконструкција на фасади на објекти се предвидени близу 2,3 милиони евра. Реконструкцијата на фасадите на зградите во централното градско подрачје ќе продолжи и во следните две години. За таа намена во 2015 година нешто помалку близу 2,3 милиони евра, а во 2016 година 2,1 милиони евра. Фасадите на зградите се реконструираат во неокласичен стил.
Овој период треба да почне фасадирањето во неокласичен стил на дел од зградите во центарот на Скопје. Прва за реконструкција ќе биде фасадата на зградата број 9 на улицата “Никола Вапцаров”. Градските власти кон крајот на месец декември минатата година го потпишаа договорот со градежната компанија “Бауер БГ”, за реконструкција на фасадата на оваа зграда. Идејното решение е на авторите Жарко Чаушевски и Звонко Ставрески, кои се креатори и на другите барокни фасади на зградите во централното градско подрачје. За реконструкција на оваа фасада, Градот Скопје ќе плати околу 350 илјади евра. Следни за реконструкција ќе бидат зградите со број 2-4 и 12, исто на улицата “Никола Вапцаров”, а потоа зградите со број 22-24 на булевар „Димитрие Чуповски“ и со број 25, 35 и 001 на улица „Македонија“. Основните проекти за реконструкција на фасадите на 23 објекти во центарот на Скопје ги изработија компаниите фирмите „Архитектоника“ од Скопје и „Проинг Љубе“ од Битола.
Ј.С.