04 Декември, 2021
0.0217

Нови правила за влез во угостителски објекти од 15 ноември

Објавено во: Македонија 26 Октомври, 2021

Дозволено е организирање настани во затворен простор до 50 проценти исполнетост, а од 15 ноември за влез ќе бидат потребни две дози вакцини или потврда за прележан КОВИД-19 во последните 45 дена, соопшти Владата. 

Владата  на денешната редовна 115-та седница, согласно моменталната епидемиолошка состојба во државата, на предлог на Комисијата за заразни болести ги донесе следните заклучоци:

- Се дозволува организирање и одржување на семинари, обуки, курсеви, состаноци, работилници, конференции и слично, во затворениот дел на објектите до 50% исполнетост од капацитетот на просторот.

- Се дозволува работа на барови и ноќни клубови - дискотеки, како и на угостителските објекти кои се регистрирани за прослави (веселби, свадби, родендени, крштевки и слично) во затворениот дел на објектите до 50% исполнетост од капацитетот на просторот.


- Се дозволува влез во секаков вид на објекти од отворен и затворен тип, угостителските објекти (кафетерии, ресторани, барови, ноќни клубови-дискотеки), во угостителскиот објект/дел за исхрана во угостителските објекти за сместување (хотел, мотел, хостел, пансион и друг објект за сместување), на бензинските станици, во казината и обложувалниците, во други објекти кои во склоп на истиот даваат угостителски услуги, во угостителските објекти кои се регистрирани за прослави (веселби, свадби, родендени, крштевки и слично), како и се дозволува влез каде што се одржува настан од секаков друг вид (концерти, семинари, обуки, курсеви, состаноци, работилници, конференции, културни или спортски настани), на посетители / гости / лица, со поседување и приложување на еден од следните документи:

- до 14 ноември 2021 година е потребно сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза на вакцина против заразната болест КОВИД-19, а од 15 ноември 2021 година сертификат/потврда за извршена имунизација (вакцинација) од вирусот SARS-CoV-2, односно примени две дози на вакцина против заразната болест КОВИД-19 или


- сертификат/потврда за прележан КОВИД-19 во последните 45 дена, сметајќи од денот на оздравувањето.

Согласно ова, Владата донесе Одлука за изменување и дополнување на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест КОВИД-19.

Можеби ќе ве интересира

ФАКТОР НА ДЕНОТ: Тажен ден за Македонија, донесени се телата на 45-те загинати во автобуската несреќа во Бугарија

ФАКТОР НА ДЕНОТ: Тажен ден за Македонија, донесени се телата на 45-те загинати во автобуската несреќа во Бугарија

Се очекува студ и снег наредните денови

Се очекува студ и снег наредните денови

Мицкоски стравува дека Заев ќе потпише нов штетен договор со Бугарија

Мицкоски стравува дека Заев ќе потпише нов штетен договор со Бугарија

МИЛЕ ЗЕЧЕВИЌ НЕ СЕ КАНДИДИРА ЗА ЛИДЕР НА СДСМ - ова не значи дека ќе останам настрана од клучните процеси за мојата партија

МИЛЕ ЗЕЧЕВИЌ НЕ СЕ КАНДИДИРА ЗА ЛИДЕР НА СДСМ - ова не значи дека ќе останам настрана од клучните процеси за мојата партија

Отишла во Турција да купи чеиз и не се вратила

Отишла во Турција да купи чеиз и не се вратила

Кај нас 79 отсто од починатите се невакцинирани, соопшти Министерството за здравство

Кај нас 79 отсто од починатите се невакцинирани, соопшти Министерството за здравство

Наместо да седи во изолација, отишол во обложувалница каде со нож го нападнал вработениот

Наместо да седи во изолација, отишол во обложувалница каде со нож го нападнал вработениот

(ГАЛЕРИЈА) Со државна церемонија беше оддадена почит на загинатите во автобуската несреќа во Бугарија

(ГАЛЕРИЈА) Со државна церемонија беше оддадена почит на загинатите во автобуската несреќа во Бугарија

НАЈНОВА КОВИД СТАТИСТИКА: Новозаразени со ковид 342 лица, починаа 7 пациенти

НАЈНОВА КОВИД СТАТИСТИКА: Новозаразени со ковид 342 лица, починаа 7 пациенти