Добивај вести на Viber
Под мотото „Граѓани протестирајте денеска, оти утре ќе е доцна“, Иницијативниот одбор за заштита на реката Радика организира нови протести во Дебар.
Одборот ги повика граѓаните в петок да излезат на плоштадот Скендербег во Дебар и да го искажат своето незадоволство од изградбата на хидроцентралите Бошков Мост и Луково Поле во Националниот парк „Маврово“, затоа што сметаат дека на тој начин ќе се измени природниот тек на реката Радика - наместо преку Дрим да се влева во Јадранското Море, ќе се пренасочи кон Вардар и Егејското Море.
Според одборот, оваа промена ќе има непредвидливо негативно еколошко и социјално влијание врз Дебар и неговата околина.