Нови протести во Бугарија, се бара спас од сиромаштијата и корупцијата
Објавено во: Балкан 03 Март, 2013
И денеска Бугарија ја тресеа големи протести. Неколку десетици илјади луѓе излегоа на улица како знак на револт поради поради сиромаштијата и корупцијата. Тие побараа и измена на законот со кој ќе им биде овозможено учество на обичните граѓани во политиката.
Протести имаше на улиците на Софија, Бургас, Пловдив, Благоевград, Русе и Сливен на денешниот национален празник на државата.Најголем број граѓани, речиси 50.000 луѓе се сонбраа во црноморскиот град Варна. Во Софија бројката се движеше околу 7.000 граѓани кои носеа транспаренти со натпис„Мафијашите - во затвор!“.
Изминатиов месец сите демонстрации имаше во сите поголеми бугарски градови, а во неколку наврати тие прераснаа во немири во кои повредени беа десетици лица.
Како одговор на протестите поради високите цени на струјата и сиромаштијата во земјата, бугарскиот премиер Бојко Борисов беше принуден да поднесе оставка.
Вонредните избори во Бугарија се закажани за 12 мај.