Нови протести во Турција – демонстрантите се растеруваат со водени топови и солзавец

Добивај вести на Viber

Со водени топови и солзавец полицијата ги растеруваше две илјади турски демонстранти кои беа собрани пред судот во главниот град на Турција-Анкара. Таму судот одби да покрене постапка против полицаецот осомничен за убиството на еден демонстрант во текот на протестите кои годинава ја тресат земјата. Полицаецот се сомничи дека за време на антивладините протести во јуни во Анкараго убил Станува збор за убиството на 26-годишниот Етем Сарисулук кој беше утврдено дека е убиен со куршум во главата  во екот на јунските протести. На првото рочиште во септември судот го пушти полицаецот на слобода, а денес беше одлучено дека нема да биде приведен. Тој сега треба да го следи судењето преку видео-конференциска врска, нешто што ги изиритира демонстрантите . Како што објави Ројтерс, сведоци на денешниот протест тврдат дека полицијата се судрила со масата народ. Демонтрантите во јуни бараа оставка на премиерот Реџеп Таип Ердоган, а во судирите со полицијата загинаа шест луѓе. Судот за случајот со убиството на демонстрантот, повторно ќе се сретне на 2 декември.