Нови резови во француската економија

Добивај вести на Viber

Француската влада вчера го обелодени новиот пакет мерки за помош на индустрискиот сектор, каде што е ставен акцент на даночните кредити кои треба да се финансираат со блако зголемената стапка на ДДВ-то и преку намалување на јавната потрошувачка. Францускиот премиер Жан-Марк Еро предложи нови поволности за инвестирање во иновациите, малите бизниси и професионалната обука, како и даночни олеснувања за компаниите кои нема да отпуштаат работници во Франција. Целта на овие мерки е да се намалат трошоците во поради сегашната криза. Мерки вклучуваат 20 милијарди евра даночни кредити во следните три години, како и можност за дополнителни 5 милијарди евра  идната година. Според ова, кредитите треба да изнесуваат околу 20 милијарди евра што одговара на 6 процентно намалување на трошоците за работна сила. Владата во Париз планира да финансира даночни олеснувања и стимулации со зголемување на основната стапка на ДДВ од сегашните 19,6 отсто на 20 отсто, почнувајќи од 1 јануари 2014. Исто така, сегашната намалена стапка на ДДВ за угостителите и домашните поправки, треба да се зголеми од сегашните седум на десет проценти. Со тоа ќе се соберат нови 6 милјарди евра. Исто така беше најавено намалување на јавните трошоци и здравствено осигурување за 12,5 милијарди евра, почнувајќи од следната година. Владата, исто така предлага воведување на нови „зелени“ даноци од 2016 година. Меѓународниот монетарен фонд во понеделникот предупреди дека Франција мора да преземе храбри реформи за подобрување на конкурентноста, како што направија Италија и Шпанија. Во спротивно, ќе заостане зад нив, велат од ММФ.