Нови станови се градат, ама цените нема да се намалуваат!

Добивај вести на Viber

И покрај тоа што понудата на станови расте, градежниците не најавуваат пад на цените на квадратот, посебо ако станува збор за облекти во Скопје/ Како што посочуваат градежниците, во метрополата се продадени околу 80% од становите. Како алва одат оние од 45-65 метри квадратини, а проблем при продавање се јавува кај поголемите станови. „Цената на становите засега може да остане само на истото ниво и нема да се намалува затоа што трошоците за купување парцели, за комуналии и за атрактивни локации  не се намалуваат, а се зголемуваат за градежните материјали. Нема основа да се намалат цените. Тие фирми кои ќе ги намалат цените го доведуваат во прашање и квалитетот на градбите“, изјави Ванчо Чифлиганец од „Адора инженеринг“ за време на денешното отварање на саемот за градежништво во чии рамки ќе се понудат и нови 1500 станови на купувачите. Како олеснување за фирмите кои продаваат станови, вицепремиерот Ставрески  го издвои проектот „Купи куќа, купи стан“, но исрто така уште еднаш потсети на владината мерка за намалување на стапката на ДДВ од 18% на 5% за секој нов стан која поради економската криза беше продолжена да важи до 2015 годин. Сепак иако пред неколку година ваквата мерка беше помпезно најавувана, сепак таа не влијаеше врз намалување на цените на становите.