Новите автопати ја зголемија вредноста на издадените одобренија за градба во март

Добивај вести на Viber

Во март одобренија за градба добија двете нови автопатски делници Миладиновци-Штип и Кичево-Охрид, како и предвидената реконструкција на дел од железничката пруга. Ова драстично ја зголеми вредноста на издадените одобренија за градба во март годинава, во споредба со истиот месец лани, покажаа податоците на Државниот завод за статистика. Според издадените одобренија за градење, предвидената вредност на објектите изнесува 21.644.061.000 денари, што е за 683,6 проценти повеќе во однос на истиот месец од претходната година. Инаку, во март годинава се издадени 253 одобренија за градење што е за 9,5 проценти повеќе во однос на март лани. Од вкупниот број издадени одобренија за градење, 196 (77,5 проценти) се наменети за објекти од високоградба, 30 (11,8 проценти) за објекти од нискоградба и 27 (10,7 проценти) за објекти за реконструкција. На 114 (45,1 процент) инвеститори се физички лица, а на 139 објекти (54,9 проценти) деловни субјекти. Во извештајниот период е предвидена изградба на 592 станови, со вкупна корисна површина од 65.077 метри квадратни.