Новите дестинации на гастрабајтерите

Добивај вести на Viber

Младите од Босна и Херцеговина (БиХ) приликата да работат и да заработат за неколку месеци ја наоѓаат на луксузни бродови и авио компании, но и во Авганистан, пишува Дојче Веле. Не е новост дека младите се почесто заминуваат од дома и во странство го бараат своето парче леб. Нискиот стандард, малите плати и големата невработеност придонесоа за тоа голем број млади луѓе од БиХ се почесто да се одлучат да ја напуштат својата татковина. Но, според анализата на Дојче Веле, тоа не е толку едноставно. Работна довала за странство многу тешко се добива, па приликата да заработат нешто, а и да патуваат младите ја гледаат во луксузни крузери, странски авио компании, па дури и Авганистан. Дваесетгодишниот Ненад Момиќ од Бања Лука прв пат отишол на род пред шест години. „Платата која ја заработував во Бања Лука не беше доволна ни за основните мои потреби, а да не зборувам з апатувања, летување, зимување. Имав 23 години и одлучив да пробам нешто ново. Размислував да одам во Авганистан или на нафтена платформа, но на крај се ослучив за на брод“ вели Ненад. Тој добро знае англиски јазик, а работи како шеф на вработените во пабот и во останатите отворени делови на бродот. „Месечно заработував по 1.600 долари. Вработените во ресторан заработуваат по 1.200 долари, додека главниот келнер може да заработи и до 4.000 долари месечно. Разликите се големи, се зависи на која позиција сте. Собарките одприлика земаат плата од 2.500 долари, а најмалку заработуваат чистачите, 1.000 долари месечно“ објаснува Ненад. Ненад сега е побогат со големо животно искуство, бидејќи ја има заобиколено дел од Европа, од Финска до Украина , Италија и Грција, Бахами, Кариби, Калифорнија и многу други дестинации. Во потрага по работа младите одат и во Катар и во Соединетите Арапски Емирати каде работат за тамошните авио компании. Меѓу младите од БиХ најатрактивна држава за работа е и Авганистан.Оваа земја погодена од војна привлекува многу млади луѓе кои можат многу добро да заработат во американските бази. Емир Алјукиќ е еден од тие млади. Тој работел една година во Кабул административни работи. „Имав цел да одам нешто да заработам. Си реков само една година е, ќе издржиш. Се вратив, дипломирав и сега не знам што да правам понатаму. Ако не најдам работа, може повторно да одам, иако парите таму не се заработуваат лесно“ вели Емир. Според него, еден од основните недостатоци во оваа работа е ризикот на кој постојано бил изложен. Ова се само дел од примерите на младите од Босна и Херцеговина, а овој пример е и во сите земји од поранешна Југославија, каде поради високата стапка на невработеност, младите се почесто бараат начин во странство да заработат пари. Според анализата на Младинската информативна агенција на БиХ, дури 81% од испитаните млади луѓе изјавиле дека уште утре би си заминале од земјата ако им се прикаже поволна прилика.