08 Март, 2021
0.0218

Новите пратеници со помалку патни трошоци, но сепак месечните исплати остануваат високи

Објавено во: Економија 25 Јануари, 2021

Дали заврши времето на исплата за патни и дневни трошоци и до 2.000 евра месечно по пратеник, или тоа се должи на новонастанатите здравствени околности во земјата и светот во изминатата година, како и на новите правно-политички услови?

Од новиот собраниски состав по парламентарните избори на 15 јули, најголемата исплата на патни и дневни трошоци ја добил Дајанчо Ефтимов. Податоците на „отворени финансии“, каде што се одработени сите трансакции за 2020, покажуваат дека пратеникот на ВМРО-ДПМНЕ, кој е од Василево, во ноември лани добил 37.194 денари. Во истиот месец, во кој најверојатно се опфатени и стари раздолжувања по истиот основ, Ефтимов добил најголема вкупна исплата од 73.935 денари од 1 до 30 ноември.

Бети Рабаџиевска Наумовска, која е позната во јавноста по наплатата на високи дневници од претходниот состав, ја има втората најголема исплата во новиот собраниски состав во 2020. Пратеничката на СДСМ од Ресен имала две исплати во октомври - еднаш од 36.837 и уште еднаш од 26.195.

Понатаму следуваат Ангелинка Петкова (ВМРО-ДПМНЕ) од Гевгелија со 29.233 денари, Сурија Рашиди (Алијанса на Албанците) од Струга со 26.600 и Соња Михаиловска (СДСМ) од Делчево со 26.000 денари. 

Во Топ 10 се уште четворица пратеници од ВМРО-ДПМНЕ - Петар Ристески од Прилеп со 25.315 октомври, Јадранка Поцкова од Струмица со 24.435,  Александар Николовски од Охрид со 24.381 и Олга Лозановска од Битола со 22.696, како и Жаклина Лазаревска од СДСМ, со исплата од 22.502 денари за патување до Охрид.

Ова се далеку помали суми на еднократни исплати во однос на претходниот собраниски состав од 2017 до 2020, кога Агим Муртезанов од СДСМ бил рекордер со 197.202 денари за патни и дневни трошоци, пред Рабаџиевска Наумовска со 122.081, Алија Камберовски со 115.000, Крсто Мукоски со 112.450 и Мира Стојчевска со 111.968 денари.

Инаку минатогодишната анализа на Државната комисија за спречување на корупција  покажа дека најмногу пари за патни трошоци биле исплатени во 2015 година - 770 илјади евра; во 2016 година биле исплатени  698 илјади евра. понатаму во 2017 - 512.000, во 2018 - 522 и во 2019 најмалку - 390 илјади евра.

Намалувањето на исплатата на надоместокот е поради измената на Одлуката за висината на надоместокот во 2018 година, од 30 проценти на 20 проценти, но и на зголемувањето на бројот на пратеници кои користеле закуп на стан – се вели во анализита.

Со законските измени, наместо дотогашните 30 проценти по изминат километар од продажната цена на еден литар гориво за возилото кое се користи, пратениците ќе добиваат надомест до 20 проценти по изминат километар од продажната цена на еден литар гориво.

А.К.


Можеби ќе ве интересира

Нафтата со скок, нафташите со договор: Што се случува

Нафтата со скок, нафташите со договор: Што се случува

БИТКОИНОТ СЕ „ВРАТИ“: Како ја презеде улогата што некогаш ја играше златото

БИТКОИНОТ СЕ „ВРАТИ“: Како ја презеде улогата што некогаш ја играше златото

Среќен 8ми март! Каде се жените 100 години подоцна? Какви им се платите, бенефициите, обврските?

Среќен 8ми март! Каде се жените 100 години подоцна? Какви им се платите, бенефициите, обврските?

Ќе има отпуштања, некои работат во четири смени, некаде работата не смее да прекине: Фактор дознава кои се клучните забелешки за „недела неработен ден“

Ќе има отпуштања, некои работат во четири смени, некаде работата не смее да прекине: Фактор дознава кои се клучните забелешки за „недела неработен ден“

Како најстарата македонска автомобилска компанија се справи со короната?

Како најстарата македонска автомобилска компанија се справи со короната?

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ВО ВРЕМЕ НА ПАНДЕМИЈА МАЛКУМИНА МИСЛЕЛЕ НА НОВА КОЛА - увозот на нови автомобили лани се струполи за 33 отсто

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

ПРОПАДНАА ОСМОМАРТОВСКИТЕ ПОНУДИ - Иако цените се поволни, интересот е слаб

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

Инвестицискиот циклус на „Макпетрол“ АД продолжува, реновирана и модернизирана бензинската станица во центарот на Тетово

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби

БЕКТЕШИ СО СТУДЕН ТУШ ДО СМЕТКОВОДИТЕЛИТЕ: Тие бараа пролонгирање за завршните сметки до 31 март, власта ги одби