Новости: Радоја Звицер, водачот на Кавачкиот клан, има македонски пасош

Добивај вести на Viber

Безбедносните служби од регионот, предводени од српски оперативци , го лоцираа Радоје Звицер, наводниот водач на „Кавачкиот клан“, во една од земјите во Јужна Америка, објави Новости.

Како што дознава „Новости“, тој постојано го менува своето место на живеење, па дури и земјите од овој дел на светот, за да избега од потерата, но полицијата практично му дише во врат.

Информациите се разменуваат дење и ноќе преку националните бироа на Интерпол, по издавањето на меѓународна „црвена потерница“, а во меѓувреме и Црна Гора се вклучи во потрагата по него.

- Тој користи лажни документи за движење низ Латинска Америка, но таму го чуваат и наркобосови - наведува изворот за „Новости“.

- Според информациите што ги имаме, има фалсификувани документи од Северна Македонија, Хрватска и Украина. Без оглед на поврзаноста со картелите за кокаин, неговото апсење е прашање на денови, се вели во гласилото.

Цвицер е, според оперативните информации на европската полиција, еден од главните снабдувачи на кокаин на Стариот континент. 

Претходно, во Македонија пред акцијата „Двојник“ опозицвијата во рамки на аферата „Мафија“ објави дека македонски пасоши со лажен идентитет се делеле на припадници на црногорско – српскиот Шкаљарски клан, а беа објавени и две имиња.