Обама одобри воздушни напади врз Ирак

Добивај вести на Viber

Американскиот претседател Барак Обама одобри „превентивни“ воздушни напади во Ирак, каде што радикалните екстремисти на т.н. Исламска држава се уште држат под контрола голем дел од ирачката територија. Обама предупреди дека нападите веднаш ќе започнат доколку е потребно да се заштитат Американците во Ирак и ирачките цивили од напади на исламските екстремисти. Во телевизиско обраќање во Вашингтон, Обама појасни дека американски воени авиони веќе испорачуваат хуманитарна помош во Ирак, на барање на ирачката Влада. Помошта се состои пред се во храна и вода и е наменета за десетици илјади приппадници на националните малцинства во Ирак, кои се практично опкружени од екстремистите. Имајќи ја го во вид негативното мислење на американската јавност во поглед на учеството во уште една воена интервенција, американскиот претседател уште еднаш повтори дека САД нема да се вклучуваат во воено решавање на кризата во Ирак и нема да испраќаат повторно своја копнена војска во оваа земја. „Како врховен командант, јас нема да дозволам САД да бидат вовлечени во уште една војна во Ирак“, нагласи Обама. „Но кога се загрозени животите на американски граѓани, ние преземаме акција. Тоа е мојата одговорност како врховен командант“, додаде тој. Повод за активирање на американските воздушни напади ќе биде доколку есктремистите на т.н. Исламска држава тргнат во напад на американските трупи во северниот ирачки град Ирбил или на американскиот конзулат во курдскиот дел на Ирак. Одобрението важи и доколку ирачките безбедносни сили побараат поддршка за да го заштитат цивилното население.