Обвинителството нема да ја гони „Сајтрокс“ која се најде на „црната листа“ на САД
Објавено во: Македонија 19 Јули, 2023
Јавното обвинителство нема да ја гони македонската компанија „Сајтрокс“
која од вчера се најде меѓу фирмите со кои САД им забрануваат на своите компании да тргуваат „оти претставуваат закана за националната безнедност и интересеите на американската надворешната политика“.
Покрај македонската Сајтрокс на списокот се и други три компании поврзани со развивање на шпионски софтвер за интернет комуникации. Се работи за компаниите Интелекса Лимитед базирана во Ирска и нејзината филијала од Грција и Сајтрокс Холдинг од Унгарија.
Од Јавното обвинителство за ТВ24 рекоа дека се гонат само кривични дела на територијата на Македонија и затоа нема да истрага, бидејќи „Сајтрокс“ бил на листата на САД. При тоа од таму забележуваат дека софтверот не бил ставен во употреба, туку фирмата само го креирала.
Во меѓувреме и од Оперативно-теничката агенција демантираат дека таков софтвер е набавен, ниту е користен.
- Малициозна е намерата да се поврзе ОТА со настаните во Грција. Без издадена судска наредба, следење на комуникациите е минато и повеќе не е можно, рекле од таму.