Од 22 јуни хотелите почнуваат со работа, Владата го донела Протоколот
Објавено во: Економија 16 Јуни, 2020
Хотелите почнуваат со работа од 22 јуни годинава.
Ова на фејсбук го објави министерот за економија Крешник Бектеши.
Тој напиша дека Владата на денешната седница го донела протоколот за работа на угостителските објекти за сместување.
„Од понеделник 22 jуни почнуваат со работа хотелите.
На денешната седница на Владата го донесовме Протоколот за работа на угостителските објекти за сместување.
Како Министерство за економија доставивме предлог протоколи кои се усогласени со Европската комисија за целосна заштита на гостите во угостителските објекти“, напиша Бектеши на фејсбук.