Се отвора Контролниот центар за патарини: Почнува електронската наплата

Добивај вести на Viber

Иако првично најавите беа дека електронската наплата ќе почне од мај, со задоцнување веројатно најмодерниот контролен центар за безбедност и контрола на патиштата во регионот кој го добива Македонија ќе биде отворен денеска.

Според најавите од Влада Премиерот Зоран Заев, министерот за транспорт и врски Горан Сугарески и директорот на Јавното претпријатија за државни патишта, Зоран Китанов ќе присуствуваат на отворањето на Контролниот центар за патарини и патишта, кај наплатниот пункт Петровец.

-Со пуштањето на Центарот ќе се олесни протокот на возилата на патарините и ќе се намали метежот, особено во летниот период“, кажа Сугарески при една прес конференција

Според директорот на ЈП за државни патишта, Зоран Китанов, контролниот центар е граден според примерот на европскиот модел за контрола на сообраќајот. Инвестицијата изнесува 18,6 милиони евра и штом ќе завршат сите процедури во овој објект, ќе стартува електронската наплата.

„Преку Центарот ќе се контролираат сите патарини на коридорите 10 и 8, а со него ќе бидат поврзани и камерите што во иднина треба да бидат поставени покрај сите автопатишта и контролните пунктови во Неготино кај автопатот Демир Капија-Смоквица и тој што ќе се гради во Кичево за автопатот кон Охрид. Има и посебен кол-центар каде што ќе може да се пријават проблеми на патиштата. Од Центарот ќе може да се контролира и мониторира целиот сообраќај во Македонија. Што било да се случи, навреме ќе може да се пренасочи сообраќајот и да се интервенира“, посочи еднаш  Китанов.

Исто така од Центарот ќе може да се контролира и мониторира целиот сообраќај во Македонија. Што било да се случи да не се создаваат колони од автомобили и да не се чека на пример за сообраќајка која го запрела патот, навреме да може да се пренасочи сообраќајот и да се интервенира и со амбулантни и противпожарни возила. Ова ќе биде окото на целата патна инфраструктура во Македонија.

На стартот на новиот електронски систем за наплата, со кој патарина ќе се плаќа со безконтактни смарт картички и со микробранови транспордери, одреден временски период ќе има можност и за плаќање во готово.