Од понеделник, Кинезите ќе го чешлаат проектот за каналот „Дунав-Морава-Вардар“

Добивај вести на Viber

Србија не се откажува од проектот за изградба на пловниот канал „Дунав-Морава-Вардар“, а како што пишува српската агенција  Бета, српскиот министер за рударство Милан Бачевиќ уште еднаш изјави дека каналот и гасоводот „Јужен тек“ се најважните проекти во Србија во моментов. За време на посетата на Врање, тој истакнал дека пловниот канал има огромно значење за луѓето овде. „Уште еден голем проект е пловниот канал„Дунав-Морава-Вардар“, при што Врање ќе има посебна позиција. Врање треба да биде големото пристаниште пред влезот во Македонија“, изјави Бачевиќ. Веќе во понеделник, информира Министерот во Белград ќе биде потпишан и договор со делегација на кинеската компанија „Чајна Гезоба груп" со кој Србија ќе им го достави документи за пловниот пат на своите кинески соработници. Тој посочи дека Кинезите ќе ја добијат сета расположива документација со која располага Србија за изградбата на пловниот каналот кој од Белград преку Скопје ќе треба да стигне со Егејското Море кај Солун.