Добивај вести на Viber

Министерот за здравство, Венко Филипче, денеска соопшти дека од понеделник во Македонија ќе се дозволи вакцинација на младата, односно школската популација од 12 до 16 години.

По ширењето на делта варијантата, како што рече министерот, се соочуваме со ситуација која ни укажува колку е битно граѓаните да се вакцинираат.

Филипче уште еднаш нагласи дека присуството на корона вирусот најверојатно ќе трае повеќе години, но нагласи дека, тоа не значи дека животот на граѓаните треба да биде затворен.

-Затоа од исклучителна важност е да имаме што помасовна вакцинацира, рече Филипче.

Инаку, имунизацијата кај децата нема да биде задолжителна, туку родителите со своите деца ќе може да се појават на пунктовите на доброволна основа, истакна министерот, додавајќи дека вакцината на Фајзер, во овој моментов е единствена вакцина која е дозволено да се користи согласно препораките во внатрешното упатство за оваа категорија на деца.

Исто така, Филипче нагласи дека за да бидат вакцинирани децата нема да има потреба од закажување термин.

-На пунктовите во здравствените домови се и педијатрите, значи може да се искористи и нивната експертиза. Родителите треба со децата да дојдат по своја волја, не е задолжително да се вакцинираат.