Од утре iPhone 5 во Македонија

Добивај вести на Viber

На македонскиот пазар од утре ќе биде достапен  новиот iPhone 5 од 16 GB, преку Т-Мобиле Македонија, за 13.900 денари во тарифата i3600 со потпишан договор за Доверба 24.

Најновиот iPhone 5 е најтенкиот и најлесниот iPhone досега, комплетно редизајниран со нов 4 инчен ретина екран, А6 чин дизајниран од Apple за супербрзи перформанси и ултра брза безжична технологија, кои придонесуваат за подобра издржливост на  батеријата.  iPhone 5 доаѓа со iOS 6, најдобриот и најнапредниот мобилен оперативен систем за мобилни уреди во светот со над 200 нови карактеристики кои вклучуваат: целосно нова апликација за Мапи со картографија дизајнирана од Apple и навигација со говорни и визуелни инструкции, интеграција со  Фејсбук за организирање на билети, пропусници и картички за лојалност.

- Го носиме iPhone 5 во Македонија како последно иновациско решение во мобилната телефонија. Токму затоа Т-Мобиле е лидер на пазарот, постојано е во чекор со светските технолошки трендови, правејќи ги достапни за македонските граѓани. Најновиот iPhone 5 како најнапредната комуникациска алатка овозможува брз и сигурен пристап до повеќе мултимедијални содржини. Овој апарат овозможува олесната и понапредна комуникација во движење, едноставност при ракување, неограничена забава и зголемен адреналин за сите љубители на паметните телефони, изјави Жарко Луковски, главен извршен директор на Т-Мобиле Македонија.