Од утре се активира Системот за влез/излез (EES) ќе биде активиран во 29-те земји од Шенген зоната

Добивај вести на Viber

Утре Системот за влез/излез (EES) ќе биде активиран во 29-те земји од Шенген зоната. Ова е новиот единствен систем за проверка и регистрација на патници кои не се од ЕУ, вклучително и Македонија, што ќе го промени начинот на кој се извршува прекуграничното патување. 

Патниците кои од утре (12 октомври) ќе пристигнуваат во Европската Унија од земји што не се членки, вклучително и од Македонија, треба да се подготват за подолги чекања поради стапувањето во сила на новиот автоматизиран Систем за влез/излез (ЕЕС). Овој систем ќе го замени досегашното рачно печатирање на пасошите.

Новиот процес ќе биде дигитален и автоматизиран, со електронски контролни пунктови (е-порти) на аеродромите, пристаништата и граничните премини.

Патниците ќе мора да го скенираат својот пасош и да обезбедат биометриски податоци (фотографија и отпечатоци од прсти).за што ќе има еднократни трошоци.

Ова ја намалува можноста за фалсификување на податоци и ја зголемува безбедноста, иако - барем на почетокот - се очекуваат одложувања на некои контролни пунктови.

Во текот на првите шест месеци, системот постепено ќе се воведува сè додека целосно не ги покрие сите надворешни граници на 29-те земји, имено: Австрија, Белгија, Бугарија, Хрватска, Чешка, Данска, Естонија, Финска, Франција, Германија, Грција, Унгарија, Исланд, Италија, Латвија, Лихтенштајн, Литванија, Луксембург, Малта, Холандија, Норвешка, Полска, Португалија, Романија, Словачка, Словенија, Шпанија, Швајцарија и Шведска.

EES ќе собира лични и биометриски податоци за секој патник, како што се: Податоци за патни документи (име, датум на раѓање, националност), датум и место на секој влез и излез од Шенген зоната, слика од лицето и/или отпечатоци од прсти, информации за какви било одбивања за влез. Податоците ќе се чуваат во целосна согласност со Општата регулатива за заштита на податоци на ЕУ (GDPR) и ќе им бидат достапни на надлежните гранични, визни и имиграциски власти, како и на Европол. Новиот систем не се однесува на граѓани на земји од ЕУ како што се Кипар и Ирска, жители на земји кои не се членки на ЕУ и имаат дозвола за престој, роднини на граѓани на ЕУ или жители кои патуваат со исти права, членови на екипажот на патнички и комерцијални возови на меѓународни линии, граѓани на Андора, Монако, Сан Марино и Ватикан.