Од утре забрането пушење на отворено во Франција
Објавено во: Свет 28 Јуни, 2025 11:42
Во Франција од утре ќе стапи на сила забраната за пушење на јавни места каде што често има деца. Ова ги вклучува плажите, парковите, автобуските станици и површините пред библиотеките, базените и училиштата, објавува француската новинска агенција АФП.
Во декретот, кој беше објавен во службениот весник денес, се наведува дека целта на забраната е да се заштитат децата од пасивно пушење. Прекршителите се соочуваат со казна до 135 евра.
Во декретот не се споменуваат електронските цигари, а пушењето сè уште ќе биде дозволено на терасите на кафулињата.
Франција веќе има забрана за пушење на јавни места како што се работни места, аеродроми и железнички станици, како и на детски игралишта.
Околу 75.000 луѓе умираат во земјата секоја година од здравствени проблеми поврзани со тутунот. Неодамнешна анкета покажа дека 62 проценти од Французите ја поддржуваат забраната за пушење на јавни места.
Можеби ќе ве интересира
ЕУ МОРА ДА ГИ ИПОЛНИ ОЧЕКУВАЊАТА ШТО ГИ СОЗДАВА: Кошта со јасна порака
Путин: Европските свињи веднаш се приклучија на работата на претходната американска администрација
Русија остави простор за разговори за странски сили во Украина
Трамп нареди „целосна блокада“ на санкционираните танкери за нафта што доаѓаат и заминуваат од Венецуела
Претставник на српска компанија за оружје починал под сомнителни околности во Москва
Европска земја ќе произведува десетици илјади дронови годишно за Украина
Ова ја вознемири Русија: Ги прашувал учениците за националноста, па ги избодел
