ОД ВМРО - ДПМНЕ ПРЕДУПРЕДУВААТ: Aко не се распишат избори, ќе повикаат на протести
Објавено во: Македонија 29 Јули, 2019
Или избори или протести, најавија од ВМРО-ДПМНЕ.
За власта во Собрание да ги добие гласовите на ВМРО - ДПМНЕ за Законот за Јавно обвинителство, ќе мора да распише предвремени парламентарни избори. Во спротивно ВМРО-ДПМНЕ ќе повика на протести, најави потпретседателот на опозициската партија, Александар Николовски во интервју за телевизијата Канал 5.
„Ние ќе продолжиме силно да притискаме за предвремени парламентарни избори . Предвремени парламентарни избори можат да се случат со договор кој што ние би го направиле со СДСМ и со останатите политички партии, за определување на датум“, вели Николоски.
Во спротивно вели дека може да се случат масовни протести на улица.