OДЕКНА ВЕСТА ЗА МАКЕДОНСКО-ГРЧКИОТ ДОГОВОР: Што пишуваат регионалните и светски медиуми?

Добивај вести на Viber

Атина и Скопје постигнаа договор за името „Република Северна Македонија“, ја пренесуваат западните медиуми со назнака „breaking news“ веста дека премиерите на Македонија и на Грција, Зоран Заев и Алексис Ципрас се согласиле за решение на спорот. 

Ја наведуваат изјавата на Ципрас дадена на средбата со грчкиот претседател Прокопис Павлопулос, дека Атина и Скопје се согласија за ново име за Македонија со што се става крај на 25-годишниот спор.

„Постигнавме добар договор кој ги опфаќа сите услови што ги постави Грција“ – наведе Ципрас откако го информираше Павлопулос за договореното.

„Македонија доби ново име, ќе се вика Северна Македонија“, пишува српски курир. 

B92 oди со опширен извештај со сите детали за решението, одржување на референдум, со повеќе изјави од политичките чинители. 

„Се разбраа, името е Северна Република Македонија“, - пишува бугарската Нова тв. 

„Има договор, Република Северна Македонија е новото име“, наведува БГНЕС. 

„Постигнаа договор: Македонија ќе биде Северна Македонија“ - пишува 24 сата. 

Тој рече дека договорот бил постигнат откако зборуваше денеска по телефон со македонскиот премиер Зоран Заев. Договорот, според него, ги исполнил барањата на Грција дека ревидираното име за Македонија е „сложено со географска одредница”.

Македонија, како што потсетуваат западните медиуми, се надева дека решавањето на спорот ќе помогне да се расчисти патот за приклучување кон Европската унија и НАТО.

Ја пренесуваат и изјавата на Панос Каменос, лидерот на Независни Грција, помалиот колаициски партнер во грчката Влада, дека ќе гласаат против предложениот компромис за името бидејќи не се согласува во него да биде содржан терминот Македонија.