Оди ли Норвешка по патот на Шпанија и Ирска?

Добивај вести на Viber

Норвешка, која избра да остане надвор од Европската унија и заедничката европска валута има стабилна економија и развој на пазарот на недвижности, сепак стои пред опасност да и се случи сценариото од  Шпанија и Ирска, а станбени сектор да "експлодира", предупредуваат економистите од „Bank of New York Mellon“. Како што пренесува СНБС, растот на цените на куќите во Норвешка е толку сериозен што во извештајот за ова прашање во јуни, аналитичарите направија паралела меѓу настаните кои доведоа до кризата на станбениот пазар во САД, и "ирационаленбум"  кој сега и се случува на Норвешка. Само во август има зголемување на цените на имотот за 8,1% на годишна основа. Иако Норвешката централна банка предупредиува за долгорочните ризици за економијата од зголемените цени на становите, таа ја држи каматата на ниво од 1,5% и најверојатно ќе продолжи да го поддржува ова ниво до пролетта 2013 година. Според Нил Мелор од „BNY Mellon“ централната банка го игнорира поскапување на становите, за да се фокусира на политиката на ниска и стабилна инфлација. Професорот по економија од Универзитетот во Јеил, Роберт Шилер тврди дека владата на земјата треба да почне да реагира и тоа веднаш. „Наместо да учи од Шпанија, каде балонот на недвижности доведе до 44% зголемување на цените на куќите помеѓу 2004 и 2008 година пред да пукне, Норвешка си дозволува економскиот успех да ја оттргне од проблемите", вели Шилер. „Тие имаат нафта од Северното Море. Имаат помала невработеност. Накратко, прават се како што треба и има многу луѓе кои сакаат да живеат во Норвешка", истакнува тој, но е загрижен од она што земјата ја очекува следните неколку години.