Добивај вести на Viber
Приходите од продажба на грчкиот синџир продавници за играчки Jumbo за периодот од јули до август растат со повеќе од 10% на годишно ниво. Компанијата, која располага со 66 продавници, од кои 52 се во Грција, 4 - во Кипар, 8 - во Бугарија, 2 - во Романија и во Македонија, не објави конкретни бројки за периодот. Месеците јули и август се всушност првите два месеци од фискалната 2014/2015 година за компанијата. За минатата фискална година која почнува на 1 јули 2013 година и завршува на 30 јуни 2014 година, приходите од продажба се зголемуваат со 8% на годишно ниво до 541,8 милиони евра. Целосните финансиски резултати за минатата година грчката компанија ќе ги претстави на 25 септември.
Jumbo ја задржува својата прогноза за раст на продажбата од 4 до 6 отсто оваа година. Синџирот ќе продолжи и со својата експанзија. Менаџментот на компанијата има намера да отвори 4-5 нови продавници и да продолжи со одржување на старите. Jumbo се потпира многу на ревитализација на грчкиот пазар. Очекувањата на раководството се нето добивката да биде во интервал од 90 милиони до 95 милиони евра. Грчкиот синџир се потпира и на своите продавници низ балканот, кои учествуваат во растото на добивката на компанијата. K.K.