Одржувањето на фестивалот „Егзит“ ставен под знак прашалник

Добивај вести на Viber

Одржувањето на фестивалот „Егзит“ во Нови Сад, повторно е ставено под прашање, затоа што парите што ги ветила државата на крајот на минатата година се' уште не се уплатени. Главниот проблем е во министерот за финансии и економија, Млаѓан Динкиќ, кој веќе два месеца не ги одобрил средствата што ги побарале за фестивалот. Српскиот Министерство за култура, а во договор со премиерот Ивица Дачиќ и вицепремиерот, Александар јавно ветиле дека државата ќе го поддржи фестивалот. Вучиќ побарал од Динкиќ да уплати пари за „Егзит“, но министерот за финанси му одговорил дека нема пари и го упатил во Министерството за култура. Но од српското Министерство за култура немало одговор кога ќе бидат уплатени парите за Егзит, пренесе срспкиот весник „Блиц“. Минатата година државата на сметка на фестивалот уплатила 32 милиони динари или околу 300.000 евра, а годинава раководството на „Егзит“ добило ветување дека ќе им бидат префрлени 40 милиони динари односно околу 350.000 евра. „Како што јавноста знае, поддршката од државата за фестивалот е неопходна, зашто на домашниот пазар, „Егзит“ не е во можност да наплатува економска цена на влезницата од 200 евра, колку што изнесува цената на влезницата за слични фестивали во Европа. Од друга страна, економската добивка на Србија од странските посетители на „Егзит“, изнесува околу 15 милиони евра“ - вели Душан Ковачевиќ од „Егзит“. Фестивалот „Егзит“ во Нови Сад треба да се одржи на Петрроварадинската тврдина од 10 до 14 јулу, годинава најавени се дека ќе настапуваат David Guetta, Atoms For Peace, Bloc Party, CeeLo Green, Fatboy Slim, Snoop Dogg aka Snoop Lion, Chase & Status DJ set & Rage, Diplo, Dubfire, Eric Prydz, Jeff Mills, Rudimental live, SBTRKT, Seth Troxler, The Prodigy, на повеќе од 20 бини.