ОГЛАС: „Актор“ бара 350 градежници кои ќе го градат Коридорот 10

Добивај вести на Viber

Грчката компанија „Актор“ вработува дополнителни 350 градежници во подружницата во Скопје, кои ќе работат на изградбата на делницата Демир Капија - Смоквица од Коридорот 10. Според огласот, фирмата веќе има ангажирано околу 450 работници, но за довршување на проектот има потреба од уште 350 искусни градежници, со искуство во поставување високи конструкции, работа на висина, работа со големи челични и бетонски конструкции и во одлична психофизичка состојба. Од кандидатите се бара да немаат страв од висина и да бидат подготвени да работат во ветровито опкружување. Според министерот за транспорт и врски Миле Јанакиески, уште неколку тукушто започнати инфраструктурни проекти дополнително ќе ја намалат невработеноста. „Изградбата на двата нови автопати ќе ја зголеми побарувачката на градежни работници за овие проекти. Како што ветивме тоа го направиве преку законското обврска поголем дел од работниците ќе бидат Македонци со што стимулираме ангажирање на домашен градежен кадар“, вели Јанакиески. Според него, на делницата Демир Капија - Смоквица веќе се завршени 35% од работите, а градежните активности се одвиваат со планираната динамика.