Оглас за вработување кој стана вистински хит на социјалните мрежи

Добивај вести на Viber

Вистински хит на социјалните мрежи стана огласот за работа кој загребската канцеларија за општа управа го распиша на 13ти Ноември. Она што го привлече вниманието на корисниците на Facebook е описот на работното место.

Се бара ‘’ фотокопирач/фотокопирачка во пододделението за  работно фотокопирање - отсек за печатени работи во службата за работни задачи за пружање услуги на секторот за канцелариско работење и работи за пружање на услуги’’.

Структурата е повеќе од интересна. Освен што секторот за канцелариско работење и работни задачи за пружање на услуги има служба за работни задачи за пружање услуги, постои и пододделение на отсекот за печатени работи. А дури тогаш се доаѓа до подотсекот за работни задачи за фотокопирање во кој е отворено работното место. Конкурсот траел до 21ви Ноември, што значи дека повеќе нема можност за пријавување. Основната плата е множина од коефициентот на сложеноста на работното место – 1,15 и основицата за пресметка на платата во висина од 4.602 куни бруто зголемен за 0,6 отсто за секоја навршена година работен стаж. Станува збор за работа на неопределено, иако е предвиден три месечен рок за пробно работење. На конкурсот можело да се пријават само личности со средна стручна спрема, графичар или техничка струка, кои имаат познавање од работа на компјутер. Исто така сите кандидати мораат да заминат на тестирање и интервју поради проверка на знаењето и способноста, важни за извршување на работите на работното место за кое се пријавуваат.