ОХИС е рекордер во неуспешни тендери, но тоа не е утеха за работниците, агонијата продолжува!

Добивај вести на Viber

По пропаста на последниот, 11 тендер за продажба на загубарот Охис ќе има нов. На последниот тендерска документација подигнaa четири компании, но ниту еден од потенцијалните инвеститори не достави понуда до Министерството за економија  до крајниот рок, пред 10-тина дена. Според последните информации од Синдикатот, производството во Охис веќе одамна е запрено, а на работа одат само стотина работници кои се грижат за безбедноста на загубарот. Околу 700-тини вработени пак, веќе неколку месеци се на принуден одмор. За вработените, најголе проблблем се неисплатените 15 плати. Охис, минатата година ја заврши со загуба од околу 4,5 милиони евра (279.842.000 денари). Според податоците кои компанијата ги објави на берзата, оперативната загуба за 2012 година достигнаа околу 3,6 милиони евра. Финансиските приходи пак, изнесуваат 12.650 евра, додека расходите околу 879.140 евра. Сега ќе има вов обид на Министерството за економија за привлекување на инвеститор на државниот загубар. Ќе се менуваат повторно критериумите за продажба, најави министерот за економија Ваљон Сараќини, потег со кој треба да се реши судбината на 800 луѓе. Но вработените, уморни од ветувања не се уверени во успешноста и на овој 12 ти тендер. Во вторник синдикатот ќе има состанок со раководството на државниот загубар – средба на која ќе се одлучи дали да се излезе на протест пред Илинденска. Инаку, само во првите три месеци од годинава, некогашниот хемиски гигант, Охис, потона за уште еден милион евра. Во периодот јануари-март минатата година пак, Охис регистрираше загуба од 605.480 евра. Ова покажува дека загубарот наместо да ги подобрува своите резултати, ја продлабочи дупката во својот буџет за 72% за само три месеци. Во првиот квартал од годинава Охис инкасираше и помалку пари од продажба – 218.360 евра, наспроти собраниот еден милион евра во првите три месеци лани. Приходите од домашниот пазар во периодот јануари – март годинава се помали за речиси 80% во спореба со истиот период лани. Р.Ф.