ОХРИД: Ставрески и Сараќини го отвораат инвестицискиот самит

Добивај вести на Viber

Денес во Охрид започнува главниот дел на „Глобалниот Инвестициски Самит“, со обраќањата на вицепремиерот и министер за финансии Зоран Ставрески и министерот за економија Ваљон Сарачини . Пред бизнис-елитата и претставниците од дијаспората ќе се обрати и претседателот на Република Македонија Ѓорге Иванов, а свое обраќање ќе има и претседателот на Владата Никола Груевски. Останати врвни претставници на владиниот економски тим кои ќе ги претстават економските перспективи на земјата и можностите за инвестирање се Владимир Пешевски, заменик-претседател на Владата задолжен за економски прашања, министерот за странски инвестиции Веле Самак, како и претставници на Агенцијата за странски инвестиции и промоција на извозот и Дирекцијата за технолошки развојни зони. На присутните ќе им се обратат над 30 бизнис лидери, светски експерти од различни области, меѓу кои врвни луѓе на Nokia Siemens, Blackstone Group, Reiffeisen Bank, Credit Suisse и канадската Mobilicity. Самитот е во организација на групата Македонија 2025, на познати бизнисмени од дијаспората и дома, чија цел е создавање на силна конкурентна економија, со БДП што ќе ја приближи Македонија до европските земји.