Олбрајт трга раце од Косово, се повлече од купување на Поштата и Телекомот
Објавено во: Балкан 15 Јануари, 2013
Компанијата „Олбрајт капитал менаџмент“ (АЦМ) инаку сопственост на поранешната американска државна секретарка Медлин Олбрајт, ја повлече понудата за купување на Поштата и Телекомот на Косово(ПТК).
Во образложението стои дека постојат други проекти во светот каде Олбрајт сака да вложи пари, посочиле од косовското Министерство за економски развој. Инаку понудата е повлечена на осми јануари, а американската АЦМ, во партнерство до Португалскиот Телеком, беше меѓу петте меѓународни компании и козорциуми, чии понуди за купување на удел во ПТК, косовската Влада ги одобри во април минатата година.Со продажба на 75 отсто од акциите на Поштата и Телекомот на Косово, Владата сака да заработи 300 милиони евра.