Оливер Спасовски: ДИК треба да знае зошто не е предвиден изборен молк на 15 јули
![](/media/main/2020/06/20200624101932.jpg)
Објавено во: Македонија 24 Јуни, 2020
Оливер Спасовски, техничкиот премиер на Македонија, на денешната прес-конференција, одговарајќи на новинарско прашање, рече дека Државната изборна комисија е таа која треба да даде одговор зошто не е предвиден изборен молк на денот на самото гласање на предвремените парламентарни избори - 15 јули. Изборен молк ќе има во понеделник и вторник - 13 и 14 јули, кога ќе гласаат болните, изнемоштените и позитивните на Ковид-19, но не и последниот ден од изборите, како што е вообичаено во досегашната пракса.
- Многу поважно е каква ќе ни биде кампањата , како ќе ги следиме пораките на граѓаните, дали ќе бидеме на висина на задачата. Говорот на омраза и нападите да ги замениме со проекти. Мислам дека не е ништо намерно, мислам дека и за тој ден ќе се разгледаат опциите во ДИК, тие ќе ги донесеат одлуките по ова прашање, рече Спасовски.
За отворањето на границите без никакви рестрикции од петок и аеродромите од 1 јули вели дека анализите на Комисијата за заразни болести ја вклучуваат и епидемиолошката слика од земјите во регионот, иако кај некои од нив се зголемува бројот на позитивни на корона-вирусот.
- Отворањето на границите го најавувавме подолго време. Анализите на Комисијата се темелат на епидемиолошката слика и од нашето опкружување. Проценката е сега дека треба да има слободен проток. Прво ЕУ ги отвори границите за членките, а од 1 јули и кон трети земји, меѓу кои и земјите од целиот наш регион. Треба да се научиме да живееме со вирусот и да го промениме начинот на живот. Колективните мерки го дадоа максимумот, а сега преостануваат само да се почитуваат личните мерки, наведе Спасовски.
Можеби ќе ве интересира
МУЦУНСКИ ГО РАЗРЕШИ ВНУКОТ НА АХМЕТИ: Дрин заминува порано од амбасадата во Брисел
![](/media/main/250x170/2024/07/20240726231513.jpg)
ИЗБРАНО НОВО РАКОВОДСТВО НА МАКЕДОНСКИОТ ПОЛИЦИСКИ СИНДИКАТ: Еве кој ќе го води
![](/media/main/250x170/2024/07/20240726211856.jpg)
НЕКОЈ ИМ СЕ ЗАКАНУВАЛ НА ПРАТЕНИЦИ: Добиле порака со заканувачка содржина
![](/media/main/250x170/2024/07/20240726211417.jpg)
ПРЕТРЕС КАЈ ДВАЈЦА ПОЛИЦИСКИ СЛУЖБЕНИЦИ: Пронајдени автоматска пушка, два пиштоли и друго оружје
![](/media/main/250x170/2024/07/20240726194904.jpg)
„ЈАС СУМ СЛОБОДНА, ЗОШТО МИСЛИТЕ ДЕКА НЕ СУМ?“: Катица Јанева вели од 2022 оди на викенди
![](/media/main/250x170/2024/07/20240726164033.jpg)
ПОРАНЕШЕН ЗАТВОРЕНИК СТАНА ЗАМЕНИК ДИРЕКТОР НА ЗАТВОРОТ ИДРИЗОВО: Левица со обвинување
![](/media/main/250x170/2024/07/20240726173529.png)
ДЕСЕТ ЗДРАВСТВЕНИ УСТАНОВИ ДОБИЈА НОВИ В.Д. ДИРЕКТОРИ: Еве кои се
![](/media/main/250x170/2024/07/20240726162020.jpg)
СРПСКИ ПОЛИЦАЈЦИ ЌЕ ВОВЕДУВААТ РЕД ВО ОХРИД: Србија ни „позајмува“ четворица полициски службеници во август
![](/media/main/250x170/2024/07/20240726160131.jpg)