ОН: Европските градови се најдобро место за живот

Добивај вести на Viber

И покрај тоа што e во средиштето на најголемата финансиска криза од формирањето на Европската унија,  Европа останува  дом на најпросперитетните  градови во светот. Во новиот извештај на Програмата на Обединетите нации за живеалишта, која преку низа индекси, прави ранг листа  на најдобрите градовите за живот од целот свет,  19 од првите 25 остануваат  во Европа, а девет од нив го користат еврото како платежно средство. Виена која е прворангирана, не само што се справива со кризата во еврозоната , туку и со мигрантите кои доаѓаат овде за да заработат за живот. Затоа се отвара прашањето, зошто во извештајот  на ОН, градови во Европа се толку просперитетни и покрај дневните извештаи во кои луѓето излегуваат на протести поради штедењето, невработеноста и нееднаквоста во приходите? Сепак, кога се ќе се стави на вага, нештата се поинакви . „Индексот за просперитет на градот“ зема во предвид пет области: продуктивноста, квалитетот на живот, развојот на инфраструктурата, еднаквоста и социјалната инклузија, но и одржливоста на животната средина. Европа е еколошки свесен континент.  Голем капитал се инвестира во инфраструктурата; европските патишта, возови и јавниот транспорт се меѓу најдобрите во светот. Исто така, многу европски општества нудат многу пошироки програми за социјална помош од остатокот на светот, што ќе влијае на еднаквоста и социјална вклученост и квалитетот на животот. Кога ќе се погледнат овие параметри во детали, тогаш станува јасно  зошто европските градови се најдобро место за живеење. Еве ја листата на најпросперитетните градови во светот: 1. Виена 2. Њујорк 3. Торонто 4. Лондон 5. Стокхолм 6. Хелсинки 7. Даблин 8. Осло 9. Париз 10.Токио 11.Мелбурн 12.Окленд 13.Амстердам 14.Цирих 15.Копенхаген 16.Брисел 17.Барселона 18.Милано 19.Варшава 20.Лисабон 21.Будимпешта 22.Атина 23.Прага 24.Сеул 25.Москва