ОН: Половина од Авганистанците дале поткуп во 2012

Добивај вести на Viber

Поткуп на јавен службеник дале половина од Авганистанците во 2012 година, додека корупцијата во земјата се проценува на 3,9 милијарди долари, покажува истражувањето објавено од Обединетите нации. Најновото истражување на Канцеларијата на ОН за дрога и криминал и авганистанското државно антикорупциско тело покажува дека половина од Авганистанците платиле поткуп за услуга во некоја јавна служба минатата година. Извештајот покажува дека Авганистан остварил видлив напредок во намалувањето на корупцијата, но нејзината цена по државата е зголемена за 40 проценти од 2009 година. Полицијата, судскиот систем, локалните власти и Министерството за образование, според истражувањето се соочуваат со широко прифатена пракса на примање и давање поткуп за административни и јавни услуги. Според претставникот на Канцеларијата на ОН за дрога и криминал во Кабул Жан-лук Лемахеј населението на Авганистан корупцијата ја смета за втор најважен проблем во земјата по безбедноста.