ОПАСНОСТА ОД ЦУНАМИ ПОМИНА: Над 80 земјотреси ја тресеа Јапонија, се уште тлеат пожари (ВИДЕО)

Добивај вести на Viber

Малку по 17 часот два нови земјотреси со јачина од 3,6 и 3,7 степени според Рихтеровата скала повторно ја погодија Јапонија. Повеќе од 80 земјотреси денеска ја погодија оваа островска држава, додека најсилниот беше измерен со 7,6 степени според Рихтеровата скала, а според тамошните медиуми, најмалку две лица загинаа во земјотресот кој предизвика бранови од цунами и оштети патишта, инфраструктура и транспортни служби. .

Јачината на земјотресите кои продолжија да ја потресуваат Јапонија беа измерени меѓу 3,1 и 6 степени според Рихтеровата скала, откако во 16 часот по локално време беа забележани силни 7,6 степени според Рихтер.

TERREMOTO EN JAPÓN

Olas de tsunami llegando a #Ishikawa, tras el terremoto de 7.6. pic.twitter.com/In7il6giPM

— El Clarín (@SVElClarin) January 1, 2024

Јапонските власти ги предупредија жителите на погодените области да се евакуираат на повисоките места по земјотресот со јачина од 7 степени според јапонската шинтоистичка скала - најсилниот рејтинг - го погоди полуостровот во близина на Ното во префектурата Ишикава околу 16:10 часот (локално време).

Намалени предупредувања за цунами

Сите предупредувања за цунами издадени претходно денеска се намалени на „советодавни“, соопшти Јапонската метеоролошка агенција.

Предупредувањето, кое укажува дека постои ризик од бранови од 3 метри или повеќе, беше наметнато утрово, но оттогаш е намалено, по разорниот земјотрес.

Според „Скај њуз“, земјотресот со јачина од 7,5 степени според Рихтеровата скала бил најсилниот во регионот во повеќе од четири децении, соопшти Геолошкиот институт на САД.

Пожарите во Ишикава не стивнуваат!

Се стравува дека две лица се мртви во Нанао, на полуостровот Ното, откако две лица биле пронајдени мртви. Исто така, како последица на земјотресот имаше пожари од големи размери во некои градови, како и уривање на голем број куќи. Во Ишикава, 32.500 домови останаа без струја, додека повеќе од 51.000 беа евакуирани.

Епицентарот на земјотресот бил во регионот Ното, кој е подложен на земјотреси бидејќи длабочината е мала, што е погодно тло за големи и чести земјотреси, пренесува „The Japan Times“.

Таткото ги држи ѕидовите, детето плаче, а земјотресот се тресе!

Се појавија застрашувачки снимки од семеен дом за време на силни земјотреси, на кои се гледа човек кој се држи за ѕидовите и предметите додека целиот стан се тресе и се ниша. Во позадина се слуша женски глас, како и детски плач.

Главниот секретар на кабинетот Јошимаса Хајаши изјави за новинарите на прес-конференција дека досега не се пријавени никакви абнормалности од нуклеарните централи низ Јапонија.

- Се уште вршиме проценка на човечки и физички штети - рече тој.