Општина Центар се откажа од изградбата на барокната катна гаража кај „Нова Македонија”
Објавено во: Македонија 12 Август, 2013
На просторот кај „Нова Македонија“ нема да никне барокна седумкатница, бидејќи градоначалникот на Општина Центар Андреј Жерновски се откажа од проектот на неговиот претходник Владимир Тодоровиќ. За изградбата на катната гаража требаше да се потрошат 4 милиони евра, а парите беа обезбедени преку кредит, кој општинарите нема да го подигнат,пишува „Вест“.
"Во овој момент граѓаните на Општина Центар имаат други приоритети како што се изградба на градинки, улици и зеленило, а не катната гаража. Општината нема да ги подигне средствата од кредитот, за што ќе разговараме со банката, како спогодбено да го прекинеме договорот", велат од кабинетот на градоначалникот Андреј Жерновски.
Од таму не кажуваат дали ќе се врши измена на планот и дали оваа локација ќе добие маркичка со друга намена.
Изградбата на катната гаража кај „Нова Македонија" почна во февруари годинава. По поставување на камен темелникот, на терен ништо не се работеше. Според проектот, катната гаража требаше да биде со површина од 8.432 метри квадратни, од кои 1.25о метри квадратни за деловен простор. Објектот требаше да биде со барокна фасада, на седум ката и едно ниво под земја
Можеби ќе ве интересира
ФАКТОР НА ДЕНОТ: Таравари вели дека нема дефинитивен договор околу поделбата на ресори меѓу ВМРО – ДПМНЕ и „Вреди“
НАЈЧЕВСКА: Ситни и покрупни националисти ја прават Македонија анахроно место на живеење
ТАРАВАРИ: Колку министерства ќе води „Вреди“ е рано да се каже
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
„ВРЕДИ“ НА СРЕДБА СО КУРТИ: Загрижувачко е руското и српското влијание
ЦУК ЗА СОСТОЈБАТА ВО ОХРИД: Има поплавени подруми и гаража
