Османи: Tесното претседателство на ДУИ донесе одлука дека во целост ги поддржува позициите
Објавено во: Македонија 12 Јуни, 2018
Вицепремиерот за европски прашања, Бујар Османи по денешната средба со лидерот на ДУИ, Али Ахмети и потпретеседателите на партијата изјави дека тие во целост ги поддржуваат позициите и одлуката на Владата за спорот со името.
Пред тесното претседателство на партијата вицепремиерот, реферирал хронолошки за сите аспекти на текот на преговорите.
„На барање на господинот Ахмети го брифирав претседателството на партијата со прогресот што е направен во преговорите со Република Грција за прашањето за името. Разговаравме за нашите позиции и предизвиците. После моето реферирање, тесното претседателство донесе одлука дека во целост ги поддржува позициите и одлуката на Владата за затворање на ова прашање“- изјави Османи.
По средбата во седиштето на партијата, Османи кажа дека се враќа во Владата, во очекување на епилогот од овие преговори.