ОСНОВАЧОТ НА NVIDIA ПРВ ПАТ МЕЃУ 10-ТЕ НАЈБОГАТИ: Со колку пари ја почна годината?
Објавено во: Економија 03 Јануари, 2025
Извршниот директор и ко-основач на Nvidia, Џенсен Хуанг, за прв пат се најде на листата на 10-те најбогати луѓе во светот. Се наоѓа на десеттото место, со проценети 118 милијарди долари. Најголем дел од неговото богатство доаѓа од уделот во производителот на чипови, чии акции се зголемија за 171 отсто во 2024 година. Nvidia ја заврши годината со пазарна вредност од 3,28 трилиони долари, што ја прави повредна од Microsoft, но сепак не и од Apple. Хуанг на листата го претекна Амансио Ортега, основачот на трговскиот синџир Зара и компанијата Индитекс.
Заедно, 10-те најбогати луѓе во светот вредат 1,9 трилиони долари (1.900 милијарди). На првиот ден од декември тие вредеа 1,8 трилиони. Седум од десетте најбогати сега се побогати од пред еден месец. Неприкосновен лидер секако е Илон Маск со над 400 милијарди долари, а по него следува сопственикот на Амазон, Џеф Безос.
Најголем губитник
Најголем губитник во оваа група е претседателот на Oracle, Лари Елисон. Неговото богатство падна за 17,2 милијарди долари во текот на изминатиот месец, на околу 210 милијарди долари. Со тоа од второто падна на третото место.
Форбс ја создава листата на најбогати од 1987 година. Во април 2024 година, идентификуваше вкупно 2.781 милијардери.
фото: EPA-EFE/MADS CLAUS RASMUSSENМожеби ќе ве интересира
ОТКАКО УКРАИНА ГО ЗАПРЕ ТРАНЗИТОТ НА РУСКИОТ ГАС: Турција нуди енергетска поддршка на Европа
САД, ГЕРМАНИЈА, ИТАЛИЈА: Кои десет земји складираа најмногу злато?
И ПЕНЗИОНЕРИТЕ ВО ЕУ РАБОТАТ: Во некои земји од задоволство, во други поради потреба од финансии
„НЕ МОЖЕ ГЕРМАНИЈА ДА ОТПУШТА 70.000 РАБОТНИЦИ, А КАЈ НАС СЀ ДА БИДЕ ТАМАН“ - Вучиќ за отказите во автомобилската индустрија во Србија
ОВА И ПОНАТАМУ Е НАЈБАРАНОТО ЗАНИМАЊЕ ВО ХРВАТСКА - нема промени веќе една година
НОВИ ПРАВИЛА ЗА ОНИЕ КОИ ПАТУВААТ ВО ГРЦИЈА - од оваа година ќе се плаќаат повисоки такси, некаде ќе се движат и до 20 евра
ПРОИЗВОДИТЕЛИ, ДОБАВУВАЧИ, ТРГОВЦИ - ВНИМАВАЈТЕ: Дојде времето на казни, нефер трговските практики ќе се казнуваат и до 20 илјади евра
СРПСКАТА НАФТЕНА ИНДУСТРИЈА НА УДАР: САД ќе воведат сеопфатни санкции за НИС
КОЛКУ ЧИНИ СРЕЌАТА ВО ГЕРМАНИЈА? - според нова студија, еве колку треба да заработувате за да бидете среќни
