ПАЗАРНАТА КАПИТАЛИЗАЦИЈА НА КОМЕРЦИЈАЛНА БАНКА ЈА НАДМИНА ПСИХОЛОШКАТА ГРАНИЦА ОД ЕДНА МИЛИЈАРДА ЕВРА - еве какви плафони достигнале и другите акции во декември

Добивај вести на Viber

Комерцијална банка ја надмина психолошката граница од една милијарда евра според својата пазарна капитализација. 

Пазарна капитализација значи колку пари некој би требало да плати одеднаш под хипотетичка претпоставка дека би ги купил сите акции на таа компанија или банка во еден исти момент.

А, овие податоци се однесуваат за крајот на минатата година, и можат да се најдат од најновиот Билтен на Македонската берза за долорочни хартии од вредност, кој се однесува за декември минатата година.

Според последните податоци, Комерцијална банка има пзарна капитализација од 1,054 милијарди евра на крајот на декември минатата година. 

Со тоа оваа банка ја надмина последната пазарна капитализација на крајот на ноември минатата година, кога таа изнесуваше околу 900 милиони евра. 

Овој фантастичен раст на пазарната капитализација се должи на фантастичниот раст кој го доживува акцијата на Комерцијална банка. 

Второ акционерско друштво што котира на берзата а што има огромна пазарна капитализација и се вбројува во рангот на десетте најликвидни акции, е Стопанска банка Скопје. Растат акциите и на оваа банка, а таа сега според пазарната капитализација тежи 844 милиони евра. 

На трето место по пазарна капитализација е НЛБ Банка, и таа на крајот на минатата година изнесувала рамно 780 милиони евра.

Уште една брзорастечка акција, онаа на фармацевсткиот гигант „Алкалоид“, направи таа компанија да има пазарна капитализација од 658 милиони евра и со тоа да се рангира на четврта позиција во групата АД со највисока пазарна капитализација и чии акции се најтргувани на Македонската берза.

Во одличната топ петорка влегува и пазарната капитализација на Македонски телеком, која изнесува 623 милиони евра.

Н.Н.Ф.